Za serbske ludowe zastupnistwo
Für eine sorbische/wendische Volksvertretung

Pśepšosenje na zjawne pósejźenje Serbskego sejma

Pśepšosyjom Was hutšobnje na tśeśe hobradowanje Serbskego sejma. Pósejźenje jo zjawne a wótmějo se dnja 12.01.2919 w Bergarskem domje na Awgusta Bebelowej droze 9 w 03226 Wětošowje (Błota). Gósći su hutšobnje witane.

Workshop wót zeger 10:00 dej nejpjerwjej zasej słužyś  reflekciji interneje a eksterneje komunikacije, wósebnje w napnětem pólu z jadnańskim pórědom sejma.

Pósejźenje zachopijo se zasej wót 13:00 góźinow z pórucenim rozgrona pśibytnym gósćam. Naraźenje k dnjownemu pórědoju pśedwiźi pótom konkretnu diskusiju naśiska jadnańskego pórěda. W drugem źělu pósejźenja deje se hopśimjeśowe zaměry sejma diskutěrowaś ako teke źěłowe śěžyšća za lěto 2019 zapołožyś. K jich hobźěłanjeju jo pśedwiźone hutwórjenje huběrkow a až se jim pśepódaju nadawki.

Negatiwne huslědki ewaluacije serbskeje hucby primarnego schójźeńka w Bramborskej su dalšny njepśesłyšujomny alarmujucy zwón, kótaryž hupominajo nuznje, aby se dalšne kubłańske kompetence pśepódali do rukow našogo luda. Kubłańska a kulturna awtonomija jo nacasne wótegrono, za kótarejež zhopšawźenje a hugótowanje buźo se Serbski sejm zasajźiś.

Edith Pjeńkowa, starstwowa prezidentka Serbskego sejma

Slědk