Za serbske ludowe zastupnistwo
Für eine sorbische/wendische Volksvertretung

Přeprošenje: Centralny wólbny wjeršk Serbski sejm

Lube kandidatki a kandidaty, lube cłonki Rady starostow a sejmoweje iniciatiwy, lube pśijaśele a pódpěrarje,

sobotu, dnja 29.09., přeprošuje Smy z.t., nošerske towarstwo za wólby do Serbskeho sejma, jara wutrobnje na wosebity wjeršk po puću k Serbskemu sejmej.

Dopołdnja a zahe popołudnju zarjadujemy dźěłarničku, zo bychmy wobjednali wosebitosće a dušu serbskeho zhromadźenstwa a zo bychmy so zeznawali z do zhromadnosće wjedźacymi metodami při namakanju rozsudow.

W druhim dźělu zarjadowanja předstaja najprjedy nominowace towarstwa swoje kandidatki a swojich kandidatow kaž tež mysle za přichodne dźěło Serbskeho sejma. Přez cyły wječor budu składnosće za naprašowanja a rozmołwy žurnalistow a wšitkich přitomnych. Nimo toho změjemy móžnosće, mjezsobu wuměnić mysle za wólbnu narěč.

Wjeršk dnja budźe wječorna předwólbna zabawa ze žiwej hudźbu. Chcemy so w swobodnej atmosferje bliže zeznać, wuslědki dźěłarničkow poćahowace so na sejm wobjednawać a so hromadźe zradować přez wšelake postupy po zhromadnym puću k Serbskemu sejmej.

Zarjadowanje wotměje so w Katólskim farskim srjedźišću „Bjesada“ w Njebjelčicach/Nebelschütz, Hłowna dróha/Hauptstraße 27. Program:

  • W 09:00 hodźinach: dźěłarnička 1. dźěl - Wosebitosće serbskeho zhromadźenstwa w zwisku z namakanjom rozsudow, wot stawiznow hač do přitomnosće.
  • W 12:30 hodźinach: dźěłarnička 2. dźěl - Zhromadnje namakać rozrisanja a tworić stabilne rozsudy: systemisce přezjednosćić - metoda za na konsens wusměrjene rozsudźenske wotběhi.
  • W 16:00 hodźinach: předstajenje kandidatkow a kandidatow, mjezsobna wuměna wo wólbnym wabjenju a wo wotewrjenych prašenjach.
  • W 18:00 hodźinach: zabawna party podpěraćelow z wjacerěcnej band „Fünf an der Feier“ a ze serbskim hercom Jakubom Čornakom.

Za jědźe a pića w přestawkach a wječor so postaramy. Přez přinoški za tykancowe blido so wjeselimy. Za čas dźěłarničkow wobsteji po potrjebje móžnosć za dohladowanje dźěći.

Wjeselimy so, hdyž přińdźeće a na wurjadny a dožiwjenjapołny dźeń!

K lěpšemu planowanju prosymy Was wo přizjewjenje hač do wutory, dnja 25.09., z mejlku na info@serbski-sejm.de a z info, hač přińdźeće cyły dźeń abo nachwilu, hač trjeba so dohladowanje dźěći a hač přinošujeće do hosćiny z darjenym tykancom.

Wróćo